3 снежня аддзел абслугоўвання і інфармацыі Навагрудскай раённай бібліятэкі прысвяціў дню міласэрнасці і шчырасці “Дабро ад сэрца да сэрца” з нагоды дня інвалідаў Рэспублікі Беларусь і Міжнароднага дня людзей з абмежаванымі магчымасцямі. Кніжна-часопісная выстава знаёміла чытачоў з гісторыяй гэтага дня, а таксама з неверагоднымі гісторыямі людзей, якія нягледзячы на свой фізічны стан, дасягнулі вышыняў у розных сферах дзейнасці. Бібліятэкары расказвалі пра творы мастацкай літаратуры, дзе героі сутыкнуліся з такімі праблемамі.
