29.09. – 05.10.2025

29 верасня – 05 кастрычніка Навагрудская раённая бібліятэка, па папярэдніх заяўках, запрашае дарослых і дзяцей карысна правесці восеньскія дні сумесна з навагрудскай гараджанкай, якая спецыяльна для вас арганізуе цікавы інтэрактыў, правядзе пазнавальныя віктарыны, а яшчэ і забяспечыць нечаканыя прыемныя сустрэчы падчас падарожжа па вуліцах Навагрудка.

Тэл. для даведак 8(01597) 66789

1 кастрычніка – Дзень пажылых людзей

 1 кастрычніка ў 16:00 у Лаўрышаўскай сельскай бібліятэцы будзе праведзена сустрэча за самаварам “Сагрэем душу цёплым словам”. Чытачы сталага ўзросту збяруцца разам у бібліятэцы, каб успомніць пра мінулае, расказаць і пра цяперашняе жыццё, падзяліцца цікавымі гісторыямі, праспяваць песні сваёй маладосці.

Тэл. для даведак 8(01597) 29045

1 кастрычніка ў Навагрудскай бібліятэцы сямейнага чытання па традыцыі арганізуецца прыемная сустрэча –дзень дабрыні і павагі “Шчаслівы той, хто сэрцам малады”, падчас якога прысутныя падзеляцца сваімі ўспамінамі, прыемнымі ўражаннямі, патрэбнымі парадамі. А яшчэ паважаныя госці атрымаюць невялікія памятныя падарункі.

Тэл. для даведак 8(01597) 46447

1 кастрычніка ў 15:00 у Вераб’евіцкай сельскай бібліятэцы пройдзе акцыя-віншаванне “Славім узрост “залаты”, прысвечаная дню пажылых людзей. Для запрошаных у гэты дзень  будуць гучаць віншаванні, песні, вершы.

Тэл. для даведак 8(01597) 61709

3 кастрычніка ў 16:00 у Кашалеўскай сельскай бібліятэцы пройдзе ўрок маральнасці “Сагрэем далоні, разгладзім маршчыны”. На мерапрыемства будуць запрошаны людзі сталага ўзросту, а таксама дзеці, бо задача дадзенага мерапрыемства – фарміраванне добрага, паважлівага стаўлення да старэйшага пакалення; усвядомленне важнасці сямейных адносін і значнасці кожнага члена сям’і.

Тэл. для даведак 8(01597) 31578