У чытальнай зале Навагрудскай раённай бібліятэкі ў Мiжнародны дзень роднай мовы чытачы і бібліятэкары прынялі ўдзел у беларускай дыктоўцы. Быў абраны тэкст Пімена Панчанкі, у якім ідзе гаворка пра бібліятэку і кнігу. Тэкст чытала Галіна Тадэвушаўна Кавальчук – старшыня суполкі “Узвышша” Таварыства беларускай мовы імя Ф.Скарыны і адначасова навуковы супрацоўнік Навагрудскага гісторыка-краязнаўчага музея. Мясцовыя жыхары выканалі вершы мясцовага паэта Самсона Пярловіча. Кожны ўдзельнік узнавіў у сабе забытае пачуццё “пісаць дыктант” за партай.
Вось так нестандартна адзначылася свята роднай мовы, свята сапраўднай любові да Беларусі і яе нацыянальнага скарбу.
