Бібліятэка правяла экалагічны флэш-моб “Планета без адходаў” у рамках Тыдня ўстойлівай энергетычнай мабільнасці. Флэш-моб прайшоў на тэрыторыі гарадскога сквера “Алея ліхтароў”. Удзельнікамі сталі бібліятэкары і студэнты УА «Навагрудскі дзяржаўны аграрны каледж». На эколага-літаратурнай пляцоўцы можна было даведацца карысную інфармацыю, азнаёміцца з кнігамі і часопісамі па экалогіі і энергазберажэнню. Навагрудчане і госці горада атрымалі лістоўкі, блакноты, календары, ручкі з сімволікай праекта “Развіццё аднаўляльных крыніц энергіі ў Навагрудскім раёне – Дарожная карта для экалагічна чыстай тэрыторыі”, а тыя лепшыя, хто добра адказваў на пытанні па экалогіі, атрымалі энергазберагальныя лямпачкі.
