Харосіцкая сельская бібліятэка правяла літаратурную сустрэчу, прысвечаную пісьменніцы Элізе Ажэшцы. Мерапрыемства прайшло ў рамках абласной акцыі “Чытаем разам!”. У акцыі прыняў удзел старшыня Нягневіцкага сельскага Савета Рудакоўскі Васіль Фёдаравіч. Ім былі прачытаны ўрывакі з апавяданняў “Зімовым вечарам”, “Раманіха”, “А…Б…Ц…”. Чытачка бібліятэкі Севасцьяновіч Ірына Сямёнаўна, якая валодае польскай мовай, прачытала верш Я. Карульскай “Памяці Ажэшкі”. Была паказана дакументальная стужка пра жыццё і творчасць Э. Ажэшкі “Мяцежная душа”, якая здымалася ў горадзе Гродна.
