8 ліпеня 2025 года ў Навагрудку шырока адзначылі 81-ю гадавіну вызвалення горада ад нямецка-фашысцкіх захопнікаў. У рамках святочных мерапрыемстваў на цэнтральнай плошчы разгарнулася фотавыстава “Навагрудчына: вехі гісторыі і сучаснасць”, арганізаваная Навагрудскай раённай бібліятэкай.
Выстава прадставіла жыхарам і гасцям горада ўнікальную магчымасць азнаёміцца з гістарычнымі момантамі і сучаснымі дасягненнямі Навагрудскага раёна. На фотаздымках былі адлюстраваны знакавыя падзеі, памятныя мясціны і паўсядзённае жыццё рэгіёна.
Наведвальнікі выставы змаглі ўбачыць, як Навагрудчына развівалася на працягу дзесяцігоддзяў, як захоўвае сваю гісторыю і культуру, і як упэўнена глядзіць у будучыню. Выстава стала данінай памяці героям, якія вызвалілі горад, і знакам павагі да працы тых, хто сёння ўносіць уклад у яго росквіт.
Для дзяцей былі прадстаўлены пазлы і гульні-віктарыны.
