Сёння, 20 чэрвеня, ва Уселюбскай сельскай бібліятэцы было шумна і весела. І гэтаму ёсць разумнае тлумачэнне – сёння да нас завіталі выхаванцы летняга школьнага аздараўленчага лагера, адразу два атрады : “Звонкі вулей” і “Вясёлыя пчолкі”. Назвы атрадаў адпавядаюць іх удзельнікам – усе былі актыўнымі, вясёлымі і звонка адказвалі на пытанні бібліятэкара. А яшчэ для ўсіх маленькіх наведвальнікаў бібліятэкі бібліятэкар загаддзя падрыхтавала розныя кніжныя закладкі. Кожны змог выбраць некалькі спадабаўшыхся “кніжных сябровак” . Камусьці да душы былі плеценыя закладкі, камусьці закладкі-раскраскі ці арыгамі. На працягу мерапрыемства ўдзельнікі пазнаёміліся з дзіцячымі перыядычнымі выданнямі, большасць з якіх захацелі ўзяць для падрабязнага азнаямлення дамоў. Дзеці на адыходзе паабяцалі не забываць бібліятэку, акуратна чытаць кнігі і журналы, карыстацца падоранымі закладкамі.
