Чарговы прыпынак інфармацыйна-краязнаўчага тура “Праз бібліятэку – да дабра і свету” адбыўся 19 жніўня ў вёсцы Масцішча. Супрацоўнікі Навагрудскай раённай бібліятэкі сумесна з калектывам Навагрудскага раённага цэнтра культуры і народнай творчасці прапанавалі жыхарам вёскі агляд кніжнай выставы “Культурная спадчына роднай зямлі”, на якой была прадстаўлена літаратура пра Навагрудак і Гродзеншчыну, творы пісьменнікаў і паэтаў з Наваградчыны, навінкі навукова-папулярных выданняў выдавецтва “Беларуская навука” . Асаблівую цікавасць выклікаў альбом калекцыянера старых паштовак Уладзіміра Ліхадзедава – «Навагрудак. Падарожжа ў часе». Святочнаму настрою гледачоў спрыялі музычныя нумары.
