8 красавіка інфармацыйна-краязнаўчы тур “Праз бібліятэку – да дабра і свету” прымала ў сябе ў гасцях ДУА “Сярэдняя школа № 1 г. Навагрудка”. Агляд літаратурных выстаў, знаёмства з лепшымі творамі сучасных беларускіх аўтараў былі прадстаўлены вучням і настаўнікам. А купалаўская Бандароўна з аднайменнай паэмы, вобраз якой быў увасоблены на фотавыставе “Літаратурны персанаж”, прачытала рамантычны ўрывак з гераічнай паэмы Песняра. Вялікую цікавасць выклікала самаробная кніга для дзяцей, выкананая рэльефна-кропкавым шрыфтом Брайля. Зноў гучалі вершаваныя творы на беларускай мове ў выкананні ўдзельнікаў адборачнага этапу раённага конкурсу чытальнікаў “Гучанне слоў жывых”. Журы выбірала лепшых сярод 8 канкурсантаў. Інфармацыйна-краязнаўчы тур працягваецца…
