14 лютага вядомаму беларускаму пісьменніку спаўняецца 60 год з дня нараджэння. З гэтай нагоды ў дзіцячым аддзеле Навагрудскай раённай бібліятэкі абдылося мерапрыемства, прысвечанае знаёмству з творчасцю пісьменніка, творы якога дапамагаюць юным чытачам адчуваць прыгажосць нашай прыроды, глыбока пранікаць у яе чароўны свет. Юных удзельнікаў мерапрыемства, вучняў 2 класа ДУА СШ № 1, захапіў “Азбукоўнік” пісьменніка. Кожны жадаючы прачытаў на выбраную ім літару аповяд пра звяроў і птушак аб якіх напісаў аўтар. Не менш цікавымі з’яўляюцца кнігі аўтара пра гістарычнае мінулае нашай краіны, а таксама казкі, п’есы для тэатра лялек. Увазе юных чытачоў была прапанавана таксама цудоўная кніга “Сем цудаў Беларусі”.
Раскрыццю мнагаграннасці талента пісьменніка ўдала садзейнічала кніжная выстава ”Дзівосны свет кніг Уладзіміра Ягоўдзіка”.
