Пазнаёміцца з гістарычна-культурнай спадчынай Гродзенскага краю менавіта 18 верасня ў дзень святкавання 75-годдзя заснавання Гродзенскай вобласці дазволіла краязнаўчая палітра “75 год Гродзенскай вобласці: вехі гісторыі, этапы развіцця”. Літаратурныя крыніцы звярнуліся да старонак гісторыі, якая налічвае шмат стагоддзяў, не абыйшлі ўвагай мы і дзень сённяшні. Цікавымі былі кнігі, якія расказалі пра Гродзеншчыну ў мастацкай літаратуры. Пазнавальнай была і экспазіцыя літаратуразнаўчых крыніц. Выданні розных гадоў сталі добрай нагодай знаемства з гістарычнай, культурнай, духоўнай спадчынай Гродзенскага Панямоння, цудоўнай прыродай гэтага найпрыгажэйшага кутка Беларусі, сучаснымі населенымі пунктамі. Экспанавалася літаратура, у якой прыводзяцца звесткі аб знакамітых людзях, жыццё і дзейнасць якіх звязана з нашай вобласцю.
Інтэрактыўная магнітная карта-гульня “Гродзеншчына гістарычная” пазнаёміла з геральдыкай краю, а таксама з цікавымі гісторыка-культурнымі і архітэктурнымі славутасцямі рэгіёну. Гістарычная тэматыка атрымала працяг у прадстаўленых макетах Навагрудскай раённай бібліятэкі і Навагрудскай ратушы.
