19 лютага на базе Навагрудскага цэнтра культуры і народнай творчасці адбыўся сход работнікаў культуры раёна, на якім падвялі вынікі мінулага года і абазначылі задачы на 2025 год.
У фае цэнтра культуры Навагрудская раённая бібліятэка прадставіла інтэрактыўную пляцоўку «Навагрудчына бібліятэчная: сузор’е кніг, конкурсаў і праектаў». На пляцоўцы знайшлі адлюстраванне краязнаўчы і патрыятычны накірунак дзейнасці бібліятэчных устаноў. Экспанаваўся фота-праект “Прыгожая гісторыі з бібліятэкай”, які быў рэалізаваны да 980-годдзя з часу першага ўпамінання г. Навагрудка ў пісьмовых летапісах раённай бібліятэкай у віртуальнай прасторы. Праз інтэрактыўны фармат была прадстаўлена літаратурна-асветніцкая дзейнасць бібліятэкі ў межах святкавання 80-годдзя вызвалення Беларусі ад нямецка-фашысцкіх захопнікаў.
За плённую працу, высокі прафесіяналізм па выніках 2024 года былі ўзнагароджаны наступныя спецыялісты:
Ганаровай граматай Навагрудскага раённага Савета дэпутатаў:
Гоўдзі Вольга Уладзіміраўна (бібліятэкар Ладзеніцкай сельскай бібліятэкі)
“Лепшы бібліятэкар”:
Жыдоўчыц Ларыса Васільеўна (бібліятэкар Любчанскай інтэграванай гарпасялковай бібліятэкі)
Ганаровую грамату аддзела культуры Навагрудскага райвыканкама атрымалі:
Дземідовіч Вольга Аляксандраўна (бібліятэкар аддзела абслугоўвання і інфармацыі Навагрудскай раённай бібліятэкі)
Макусь Людміла Васільеўна (бібліятэкар аддзела абслугоўвання і інфармацыі Навагрудскай раённай бібліятэкі)
Пяцельская Паліна Дзмітрыеўна (загадчык дзіцяча-юнацкага сектара Навагрудскай раённай бібліятэкі)
Янушкевіч Алена Валянцінаўна (бібліятэкар аддзела фарміравання бібліятэчнага фонду Навагрудскай раённай бібліятэкі)
