Культурна-творчы праект «Пакуль жывая памяць» у рамках абласнога марафону ваенных агітбрыгад «Песні далёкай вайны» крочыць па Навагрудчыне. 7 мая каманда бібліобуса Навагрудскай раённай бібліятэкі разам з работнікамі аддзела пазастацыянарнага абслугоўвання насельніцтва Навагрудскага раённага цэнтра культуры і народнай творчасці парадавалі сельскіх жыхароў вёсак Бенін, Нізаўцы і Рахавец песнямі прысвечанымі Вялікай Перамозе, пазнаёмілі з навінкамі літаратуры аб Вялікай Айчыннай вайне.
