10 снежня да Міжнароднага дня правоў чалавека ў госці да вучняў 5-га класа гімназіі №1 прыйшлі бібліятэкары з бібліятэчнага пункта Навагрудскай раённай бібліятэкі з прававой віктарынай “Твои права от А до Я”. Віктарына прайшла ў некалькі этапаў, падчас якіх дзеці не толькі адказвалі і разважалі над прававымі пытаннямі, але таксама складалі словы з “Усеагульнай дэкларацыі правоў чалавека» на хуткасць, добра вызначалі, што забараняецца, а што дазваляецца згодна з “Канвенцыяй аб правах дзіцяці”. Кнігі аб правах зацікавілі маленькіх чытачоў.
