“Разумны метал” — такую назву мела трэцяя сустрэча асветніцкага праекта “Вялікія кнігі — Вялікія справы” у Навагрудскай раённай бібліятэцы.
Юнакі і дзяўчаты даведаліся аб гісторыі прадпрыемства і рабоце з металам на Навагрудскім заводзе металічных вырабаў, дзякуючы спецыялісту завода Пятровай Алене Іосіфаўне. Было цікава пабачыць прадукцыю завода і патрымаць асобныя вырабы ў руках. Героем дня сталі факелы, вырабленыя для міжнародных спартыўных гульняў, аб якіх распавёў намеснік галоўнага інжынера Усціменка Аляксей Віктаравіч.
Кветкай-асацыяцыяй сустрэчы была абрана шыпшына, яе і намалявалі для «Букета міру».
