Добрай традыцыяй у Любчанскай інтаграванай гарпасялковай бібліятэцы стала праводзіць творчыя сустрэчы з мясцовымі майстрамі. І вось, 21 ліпеня, бібліятэка запрасіла на чарговую сустрэчу з цудоўнай жанчынай і добрай душы чалавекам – Шайбак Нінай Анатольеўнай, вышывальшчыцай з вёскі Скрышава. У гэты дзень адбылася прэзентацыя выставы вышытых карцін майстрыхі “Добрых рук мастерство”. Ніна Анатольеўна вышывае крыжыкам. Яна расказала, што стала вышываць калі пайшла на пенсію, першай яе карцінай была “Ангел”. І вось за 15 год у яе багажы ўжо каля ста карцін – розныя па фармаце і змесце. Больш за ўсё любіць яна вышываць прыроду – жывёл, розныя поры года, нямала карцін на рэлігійную тэму – цэрквы, саборы. Падчас сяброўскай сустрэчы, прысутныя задавалі шмат пытанняў, на якія Ніна Анатольеўна з задавальненнем адказвала. Вышывальшчыца падарыла бібліятэцы дзве свае работы.
Выстава будзе працаваць цэлы месяц і ўсе жадаючыя могуць пазнаёміцца з гэтай прыгажосцю.