Навагрудская раённая бібліятэка стала пляцоўкай для правядзення тыдня энергазберажэння з 12.06 па 16.06, які арганізаваны ў рамках дзеючага праекта тэрытарыяльнай дапамогі EC ENPL «Развіццё аднаўляльных крыніц энергіі ў Навагрудскім раёне». На выставе прадстаўлена літаратура на тэму «Я, энергія і свет», малюнкі дзяцей «Адкрый свет энергазберажэння» і выстава вырабаў з другаснай сыравіны «Неабходнае з непатрэбнага». На выставе працуюць валанцёры з бібліятэкі і грамадскасці горада. У якасці аднага з экскурсаводаў па выставах выступае пісьменнік Міхась Зізюк.
