Вусны часопіс «Сердце, слушай колокола, помни всё не остынь….», прымеркаваны да 80-годдзя Хатынскай трагедыі, прайшоў 22 сакавіка ў Харосіцкай сельскай бібліятэцы. На мерапрыемстве прысутнічалі чытачы рознага ўзросту. Гартаючы ўмоўныя старонкі часопіса, вучаніца 11 класа Нягневіцкай сярэдней школы Марта Шасцель яшчэ раз нагадала пра хатынскую трагедыю, бібліятэкар расказала прысутным пра «сясцёр Хатыні» вёскі, якія поўнасцю, альбо часткова былі спалены фашысцкім акупантамі. Гаворка ішла пра тое, што вельмі важна каб сучасная моладзь памятала пра тых, хто загінуў на полі бою, згарэў у агні Хатыні, загінуў у канцлагерах і памяць пра іх не павінна памеркнуць у нашчадкаў, якія жывуць пад мірным небам.
