20 снежня ў 17 гадзін аддзел па абслугоўванні дзіцячага чытача Навагрудскай раённай бібліятэкі ператварыўся ў Бібліятэку Чарадзейства – тут праходзіла бібліязмярканне «Школа чараўніцтва», прысвечанае 20-годдзю выхаду кнігі Джоан Роўлінг «Гары Потэр і таемны пакой». Арыгінальны дызайн ператварыў памяшканне бібліятэкі ў замак Хогварст.
Пасля размеркавання ўдзельнікаў на 4 факультэты, дзеці і дарослыя змаглі паспрабаваць сябе ў ролі чараўнікоў: варылі чароўнае зелле, вучыліся валодаць чароўнай палачкай, у юных удзельнікаў была магчымасць пабываць на ўроках “Трансфігуацыі”, «Зеллеварэння”, «Прадракання» і інш.
У арт-майстэрні дзеці размалёўвалі гальштукі ў колер свайго факультэту.
На адзін дзень бібліятэка стала чароўным светам і акунулася ў атмасферу дзіўных цудаў.
Напрыканцы мерапрыемства ўсіх жадаючых чакала фотасесія, гульні і конкурсы. Юныя чытачы атрымалі падарункі і прызы ад бібліятэкі.
