Гучныя чытанні ў гонар усіх мам — «Самым мілым і любімым», напярэдадні Свята жанчын, прайшлі ў Любчанскай інтэграванай гарпасялковай бібліятэцы. Іх правяла Ніна Сяргееўна Мея, у мінулым бібліятэкар, а сёння пенсіянерка і шчаслівая бабуля чатырох унукаў, трое з якіх — дзяўчынкі. Гучалі шчырыя вершы пра матулю. Дзеці пазнаёміліся з гісторыяй свята, карані якога сыходзяць яшчэ ў часы Рымскай імперыі. Для ўвагі прысутных была прапанавана кніжна-ілюстрацыйная выстава «Женщина – сплошное волшебство».