Конкурсна-гульнёвая праграма «Падарожжа па старонках любімых кніг», прайшла ў Ладзеніцкай сельскай бібліятэцы для наведвальнікаў школьнага аздараўленчага лагера. Дзеці шукалі скарб, які быў схаваны героямі казак у сакрэтным месцы. Для таго, каб яго знайсці патрэбна была карта, фрагменты якой яны атрымалі толькі пасля таго, як выканалі заданні, пагулялі ў гульні, паглядзелі мультфільм «Маша і мядзведзь». Склаўшы ўсе фрагменты карты дзеці знайшлі скарб – размалёўкі, якія яны атрымалі ў падарунак ад бібліятэкі.
