Інтэрактыўная выстава “Экалагічная адказнасць” да Сусветнага дня без аўтамабіля знаёміла чытачоў з экалагічнымі праблемамі і магчымымі сродкамі іх рашэння. Матэрыялы выставы звярнулі ўвагу на забруджванне паветра аўтамабілямі, а таксама паказалі ролю кожнага чалавека ў рашэнні дадзенай праблемы. Акцэнт быў зроблены на выбары іншага спосабу перамяшчэння: пешшу , на роварах, ролікавых каньках. Падаліся цікавымі элементы гульнёвай праграмы з пытаннямі аб самым экалагічным сродку перамяшчэння – веласіпедзе. А змешчаны яны былі на невялікім імправізаваным ровары. Кожны жадаючы мог выбраць пытанне і праверыць правільнасць адказу.
