23 кастрычніка ў краязнаўчую студыю “Чытаем пра Радзіму. Навагрудская старонка” ў Навагрудскую раённую бібліятэку завіталі навучэнцы Навагрудскага дзяржаўнага сельскагаспадарчага прафесійнага ліцэя.
Цікава прайшла гістарычная гульня “Навагрудская спадчына”, якая закранула цікавыя факты з жыцця горада, а таксама пазнаёміла з кніжнымі крыніцамі, дзе можна знайсці адказы на шматлікія пытанні. Невялікае падарожа-знаёмства па літаратурнай Гродзеншчыне і яе помніках здзейснілі дзеці разам з бібліятэкарам падчас электроннай віктарыны “Нефармальныя славутасці”.
Знаёмства з горадам і яго гісторыяй было працягнута ў міні-музеі міні-макетаў “Страчаная спадчына”.
