22 верасня для старэйшых класаў СШ №3 г. Навагрудка прайшоў інфармацыйны дайджэст “Разам мы адзіныя”. Бібліёграф Навагрудскай бібліятэкі пагутарыла з дзецьмі аб новым дзяржаўным свяце — Дзень народнага адзінства, які мае асаблівае гістарычнае значэнне для беларускага народа. Таксама рабятам былі прыведзены прыклады гісторыі народаў, якія воляю лёсаў на пэўны час раз’ядноўваюцца і аказваюцца ў складзе розных дзяржаў. Прысутныя даведаліся таксама аб тым, якія маюць правы ў нашай краіне людзі розных нацыянальнасцей, аб фестывалі нацыянальных культур — рэспубліканскае свята, якое праводзяць раз на два гады ў Гродне з 1996 года. Былі прадстаўлены выданні пра гісторыю, культуру, прыроду нашай краіны, Герояў Беларусі.
