25 лютага ў Навагрудскай раённай бібліятэцы прайшоў дзень інфармацыі “Барацьба за задароўе: супраць наркагандлю і залежнасці”. Удзел у мерапрыемстве прынялі навучэнцы Навагрудскага дзяржаўнага каледжа тэхналогій і бяспекі.
У якасці галоўнага эксперта са змястоўным лекторыем па тэме прафілактыкі наркаманіі выступіла памочнік урача эпідэміёлага ДУ “Навагрудскі занальны цэнтр гігіены і эпідэміялогіі” Ангеліна Дзмітрыеўна Паршуціч.
У ходзе выступлення лектар прадставіла сістэматызаваны матэрыял, у якім раскрыла медыцынскія і сацыяльныя аспекты фарміравання розных відаў залежнасцей, а таксама іх разбуральны ўплыў на асобу і грамадства.
Падчас мерапрыемства асаблівая ўвага была ўдзелена прававым наступствам, звязаным з ужываннем і распаўсюджваннем забароненых рэчываў.
Бібліятэкар прадставіла выставу літаратуры «Свет без наркотыкаў — тэрыторыя жыцця», была прапанавана мастацкая літаратура па тэме. Юнакі і дзяўчаты праглядзелі відэаролік «Думаў, ніколі не траплюся, а злавілі праз некалькі дзён”.
Навучэнцы знайшлі правільныя складаючыя для цэласнай пабудовы ўласнага “Я” і дапоўнілі свае варынты для здаровага ладу жыцця.
