16 верасня ў зале Навагрудскага раённага цэнтра культуры і народнай творчасці прайшоў святочны канцэрт «Наша сіла ў адзінстве», прымеркаваны да Дня народнага адзінства.
Творчыя калектывы і салісты ўстаноў культуры Навагрудчыны, цэнтра дадатковай адукацыі дзяцей і моладзі «Дар» падарылі гараджанам сапраўдны феерверк станоўчых эмоцый, пацешыўшы іх багаццем і разнастайнасцю вакальных і харэаграфічных нумароў.
У фае цэнтра культуры Навагрудская раённая бібліятэка прадставіла змястоўную кніжную выставу «Ад вытокаў да адзінства».
