З нагоды Свята працы Навагрудская раённая бібліятэка запрасіла гараджан і гасцей горада на інтэрактыўную пляцоўку “Время созидать: в ритме майского солнца”. Аднайменая кніжная выстава прысвячалася стваральнай сіле працы, адзінству беларускага народа, прыгажосці роднай прыроды і нашай краіны.
Дзеці і дарослыя з задавальненнем гулялі ў мемарыну “Сімвалы Першамая”, дзякуючы якой гульцы не толькі патрэніравалі зрокавую памяць і ўвагу, але і зрабілі невялікі экскурс у гісторыю свята. Карысталася папулярнасцю настольная гульня “Маленькія прафесіяналы”. Да ўвагі гасцей пляцоўкі прапаноўваліся пазлы з выявамі вясновых пейзажаў і сімволікай 1 Мая, а таксама творчыя заданні.
