7 жніўня бібліятэкар бібліятэчнага пункта Навагрудскай раённай бібліятэкі правяла ўрок памяці для дзяцей выхаваўча-аздараўленчага лагера сярэдняй школы № 7. Сустрэча была прысвечана подзвігу беларускіх жанчын, якія нароўні з мужчынамі змагаліся за свабоду Радзімы.
Бібліятэкар расказала юным слухачам пра гераінь Гродзенскай вобласці і Навагрудскага раёна. Дзеці даведаліся пра лёсы Люсі Сечка, Веры Харужай, Вольгі Соламавай і іншых славутых зямлячак, чые імёны вядомыя ўсёй краіне.
Гісторыі гэтых жанчын — гэта не толькі факты ваеннага часу, але і невычарпальная крыніца натхнення, прыклад бязмежнай мужнасці і ўстойлівасці для ўсіх пакаленняў.
