11 красавіка ў Навагрудскай раённай бібліятэцы прайшла гісторыка-патрыятычная праграма “Апаленыя душы і сэрцы”, прысвечаная Міжнароднаму дню вызвалення вязняў фашысцкіх канцлагераў.
Словазлучэнне “канцэнтрацыйны лагер” стойка асацыюецца з Другой сусветнай вайной. Тады ў Трэцім рэйху і на падкантрольных яму тэрыторыях была створана іх шырокая сетка. Бібліятэкары расказалі пра самыя страшныя нацысцкія канцлагеры, ахвярамі якіх сталі мільёны нявінных людзей. Была прапанавана прэзентацыя з фотаматэрыяламі, гучалі вершы ў памяць вязняў канцлагераў, для прагляду былі прапанаваны відэаматэрыялы пра канцлагеры на тэрыторыі Беларусі, быў зроблены агляд літаратуры.
Памяць ахвяр фашысцкіх канцэнтрацыйных лагераў была ўшанавана хвілінай маўчання.