6 чэрвеня Навагрудская раённая бібліятэка прыняла ўдзел у X Абласным фестывалі кнігі “Гродзенскі ЛітФэст”, які прайшоў у рамках юбілейнага XV Рэспубліканскага фестывалю нацыянальных культур.
Пад адкрытым небам Навагрудская раённая бібліятэка на ЛітФэсце прадставіла інтэрактыўную пляцоўку “Натхненне часу” з арт-галерэяй жаночых вобразаў.
Для жыхароў і гасцей пляцоўкі працавалі інтэлектуальныя гульні, лакацыі з настольнымі гульнямі “Жаночы сілуэт на фоне гісторыі”, “Маленькія беларусы”, пазлы, а таксама традыцыйная фотазона ў стылі рэтра, якая палюбілася ўсім гасцям пляцоўкі.
З вялікай цікавасцю дзеці і дарослыя ўдзельнічалі ў рэшата-квэсце, дзе шукалі ў зерні артэфакты.
