“Наша мова – наша слава” – такую назву насіла літаратурная праграма да Міжнароднага дня роднай мовы, якая прайшла 17 лютага ў Навагрудскай раённай бібліятэцы. На яе былі запрошаны навучэнцы Навагрудскага гандлёва-эканамічнага каледжа. Быў прасочаны гістарычны шлях нашай мовы, вызначаны яе адметнасці і самабытнасць з дапамогай самых розных літаратурных крыніц.
Што беларуская мова самая звонкая і мілагучная, непаўторная і загадкавая, упэўніліся ўдзельнікі мерапрыемства дзякуючы “паэтычным карункам”. Бібліятэкар прадставіла вершамі асобныя беларускія кнігі. Навучэнцы таксама чыталі вершы беларускіх паэтаў пра родную мову. Дарэчы, у якасці пачастунку яны атрымлівалі цукеркі кандытарскай фабрыкі “Камунарка” з назвай “Родныя словы”. На кожнай цукерцы з унікальным дызайнам этыкеткі можна было знайсці цікавыя беларускія словы з унікальным арнаментам: “ветлівасць”, “удзячнасць”, “ціхамірнасць”, “пяшчота”, “натхненне”. Ім патрэбна было яшчэ і вызначыць іх значэнне. Студэнты актыўна ўдзельнічалі ў разгадванні беларускіх народных загадак. Успомніць прыказкі і прымаўкі дазволіла невялікае заданне, патрабуючае падбору да рускіх прыказак і прымавак адпаведных ім беларускіх. Юнакі і дзяўчаты пры выкананні задання праявілі свае веды, кемлівасць і знаходлівасць. Відэакліп пазнаёміў з прэм’ерай песні “Мова павінна жыць” у выкананні гурта “Дразды”.
